 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Расклад зімы вясна ў архівы сьпіша.
Зь вясны пачнецца мой наступны год.
Фартысіма – расколатая ціша.
Фартысіма – які глябальны лёд!
Вось-вось лістоў зялёныя запалкі
Успыхнуць, салютуючы вясьне.
Узбудзяцца зь ліловых сноў фіялкі,
А ў далавах ня хоча таяць сьнег.
Скажы, якім найменьнем адгукнецца
Крыжасты крыгалом, нібы разбой?
Заходзіцца ў чаканьні сьвята сэрца,
А на душы ня хоча глохнуць боль.
Мы злучым незлучальныя паромы.
Мы соль зьямо, забыўшыся на мёд.
Фартысіма... Яшчэ няма мне стомы.
Фартысіма – які бясконцы лёд!
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
